月供股票的利弊

咁到底月供股票係咩？其實月供股票就係你每月供款，如$1000、$2000⋯⋯實際上你想供幾好都得。假設股票A今個月嘅股價係$10，而你供$1000，你今個月可以有100股($1000/$10)，如此類推。

以下係月供股票嘅好處：

1.平均成本法
正如上面講到，今個月買入100股，假如下個月，股票A係$5，你可以買入200股，這樣你的買入價變成$6.67($2000/300)，公式係你的總供款除以總股數。因為同一供款，假如嗰個月個價高啲，你就會買少左；相反，嗰個月個價低啲，你就會買多啲，長遠黎講可以做到平均成本法，就像拉上補下。

2.入場門檻低
投資是一個講門檻的地方，不同的股票都有各自的入場費，而股票是需要一手一手買，每隻股票嘅一手數目都唔同，可以係100股、500股、1000股，例如恒生，一手係100股，現價160.5，所以入場費係$16050。而月供股票就可以由$500起跳，你中意供幾多都得(要留意係手續費佔比，下篇文會仔細講)。

3.機械代投資，不受情緒影響
因為月供股票係每月指定日子幫你買入，所以每次買入你都不會受情緒影響決定。有些人就算做足功課，但因情緒嘅影響而做唔到正確嘅投資決定，或者有些人開始投資後就訓唔到教，而只要開始月供股票，你接近可以不理會股票的情況，因此有些人覺得月供股票適合自己。

上面講到月供股票有幾好啦，但為什麼我都唔用月供股票呢？係咪因為月供股票賺唔到錢，其實唔係，月供股票回報都可以好高，以下我會講你知月供股票嘅缺點同我唔用嘅原因。

1.錯失買入時機
基於月供股票的買入時間是固定每月某個日子，代表你唔可以選擇買入的價錢。買賣股票想做到嘅係「低買高賣」，如果一隻股票的價格好平時，使用月供股票便捕捉唔到買入時機。相反，月供股票適合唔識分平貴嘅人，所以做任何投資決定時，先考慮自身的情況及風險。

2.碎股
上次都講到買股票係一手一手計數，但用月供股票會買入11股、15股之類，不夠一手的數目就係碎股。有些銀行在買出碎股時會以市價計算，但有些銀行會以低過市價黎計算碎股的價錢。

3.手續費佔比可能很重
每間銀行或證券行的手續費都唔同，要好好了解所有費用。例如：你每月供$1000買股票A，普通銀行收每月供款嘅0.25%，但最低收$50，手續費佔比5%(50/1000)，這樣手續費變得好重。 所以不論你一手買賣定月供股票都要留意好手續費及其他費用。

以上就是月供股票的利弊，千萬不要覺得投資是非常容易的事，但是每一件事開頭都困難，只要不斷做、不斷學習，你便會覺得同一件事卻輕鬆了一點。

如果想知道最多人月供什麼，可以看：
https://hangstoryteller.blogspot.com/2020/01/blog-post_10.html
如果想了解我更多的資訊，歡迎follow我instagram:
https://instagram.com/tc_investmentdiary?igshid=qroeu1y85nvp
想知道我的故事可以看：
https://hangstoryteller.blogspot.com/2020/01/blog-post.html
如果你需要一個開始投資的原因：
https://hangstoryteller.blogspot.com/2019/11/123-no.html