股息的迷思

股息其實係上市公司決左回饋股東投資，而派發的資金，其實還有其他原因，但暫時當股息是為了回饋股東。係了解一間公司點先股息派嘅時候，有一些基本嘅知識先要學習。

1.除淨日
每一間公司宣佈派息時，都會定立一個日子為除淨日。除淨日是決左你是否有息收的日子，你在除淨日前買入股票，你可以有股息收。相反，如果你在除淨日後買入股票，你就冇股息收。但其實你兩者係冇分別，假設股票A係$10，派發$1股息，經過除淨日後，股價會調整到$9($10-$1)，派發嘅其實係你嘅本金。

咁股息咪其實係自己錢，咁我邊到賺左錢？嗱嗱嗱，你試下諗，假設你係$6買入股票A，佢升到$10，之後派$1股息。其實你股票嘅升幅會一直係到，你嘅股票都係升值左$4($9-$5)。所以每次派息你都慢慢拎返自己嘅本金，而你股票嘅升幅繼續存在，代表你一邊賺緊錢、一邊拎返自己嘅本金。

2.派息比例
每一間公司都有自身的派息比例，派息比例是「股息/盈利」。上市公司會將盈利的一部分作派息，而佢派幾多息就有唔同嘅因素，如公司作風、發展方向、誰是大股東等等。因為公司將盈利抽出，作派發股息，代表公司會少了資金發展或再投資，所以有人又會用派息比例黎評估公司的發展空間。

了解完一些基本知識後，以下我就會解釋股息從何來：

第一：盈利
正常來說，一間上市公司理應是能賺錢(但實質並不是每一間上市公司都能賺錢)，能賺錢的公司就會有盈利。這樣上市公司可以選擇抽多少盈利作派發股息，而大多數公司都可以看派息比例來知道公司抽了盈利來派發股息。這樣餘下的盈利如何處置，就是公司的選擇，可以持有為流動資金、再投資等等。有些公司可以將9成嘅盈利黎派、有些公司就只將30%嘅盈利黎派，至於派幾多就好多原因，如：公司未來發展方向、大環境、制度要求等。 

第二：公司的現有資金 
有些公司的派息比例可以超過100%(派息比例係咩可以睇返上個post)，一間公司點可以將多過盈利嘅錢派出黎？就係用公司存有嘅資金啦，有啲公司為左穩定派息，就算今年的盈利比上年少，公司都會運用公司內的資金，令到今年嘅派息同歷年一樣。 

第三：借貸 
這個同第二有點相似，公司有部分的資金可能係黎自借貸。所以要留意公司會唔會因為穩定派息，而過渡借貸。所以千萬不要因為一隻股票的派息高，就忽略其他因素，因此做錯投資決定。

阿衡

如果想了解我更多的資訊，歡迎follow我instagram:
https://instagram.com/tc_investmentdiary?igshid=qroeu1y85nvp
想知道我的故事可以看：
https://hangstoryteller.blogspot.com/2020/01/blog-post.html
如果你需要一個開始投資的原因：
https://hangstoryteller.blogspot.com/2019/11/123-no.html