股票到底是什麼？

簡單啲黎講股票係公司投票權嘅憑證，講完都唔知講咩，我比個例子大家

假設依家我要開一間糖水舖，所需$10萬，但我唔夠錢，咁我就同阿A夾，每人5萬，所以我地依家各佔糖水舖50%(5萬/10萬x100%)。但有一日，阿A話佢需要資金周轉，佢要將佢嘅股份買出去，成間糖水鋪，總數有1萬股(每人各5千股)，每股值$10($10x1萬股=$10萬)。我覺得糖水舖未來依然有得做，我就買左佢1000股，所需$1萬，我嘅股份由5千，變成6千，佔全公司股權60%(6千股/1萬股)，我就搖身一變成大股東。

糖水舖發展得好快，係少有會有好多人排隊嘅舖頭，一間變兩間，兩間變四間，最後決定上市。糖水錢舖原本是屬於我同A，但如果一上市，佢就有一間私人企業，變成公眾企業，市民可以透過證券行買我地嘅股票。總結，股票的本質是用來集資，下回再講點解買股票賺到錢。

當股票新上市，又稱首次公開募股(Initial Public Offering)，縮寫IPO，代表一間公司初上市集資。IPO會有一個上市價，大眾可以決定認購或者不認購。大多數的時候，我們都不會買IPO，因為投資者未能清楚了解公司實際的營運情況，所以聰明的投資者會等公司上市二至三年再決定。到公開發售時，股價就未必是上市價，可能是更高、可能是更低。因為股價是不斷上上落落的，至於點解會上上落落，請留意下一篇文章。

阿衡